Connect with us

Majelis Taqorrub

Ngabangun Kahirupan Anyar Anu Mulya

Khutbah Jum’at

KHUTBAH KAHIJI

إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَا
مَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,
أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.
وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.
اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا،
أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ،
اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ.
قَالَ اللهُ تَعَالَى :

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ ﴿٥٥﴾

“Alloh geus jangji ka jalma-jalma anu ariman jeung ngalakukeun amal sholéh diantara aranjeun, yén Anjeuna bener-bener bakal ngajadikeun maranéhna ngawasa di ieu bumi, sakumaha Mantena geus ngajadikeun jalma-jalma saméméh maranéhna ngawasa; Anjeuna bener-bener bakal mancegkeun pikeun maranéhna agama anu geus ku Anjeuna di ridhoan pikeun maranéhna; sarta Anjeuna bener-bener bakal nukeurkeun kaayaan maranehna —sabada maranéhna aya dina rasa sieun anu pohara— ngajadi aman santosa. Maranéhna tetep nyembah Kaula kalawan henteu nyekutukeun jeung hiji perkara oge. Singsaha jalma anu kafir saenggeus jangji éta, maranéhna téh jalma-jalma anu fasek”. (QS. An-Nuur: 55)

Ma’ashirol muslimin rohimakumulloh,
Prak geura tarakwa aranjeun sadaya ka Alloh kalawan sabener-benerna takwa. Omat, ulah hawa nafsu urang ngaborogod diri urang sahingga urang jadi jauh tina kataatan ka Alloh, sumawona sabada urang sadaya ngaréngsékeun ibadah shaum Romadhon.

Ma’ashirol muslimin rohimakumulloh,

Sakuduna, saenggeus Romadhon lekasan urang jadi pribadi anu anyar, jeung ngawujudkeun masyarakat anyar ogé, anu diliputan ku suasana katakwaan. Lainna katakwaan teh nyaéta hikmah anu paling utama diwajibkeunna urang ngalaksanakeun puasa?

Hayu urang introspeksi diri, naha sacara pribadi, naha masyarakat, jeung payus tur pantes salaku umat Muhammad SAW. Saestuna, di antara urang masih loba kénéh jalma anu hadé, tapi naha masyarakat na teu otomatis ngilu hadé? Kaum Muslim di sakuliyah dunya ogé teu dina kondisi anu hadé? Nalika urang gumbira ngarayakeun lebaran, sawatara poé kalangkung, dulur-dulur urang di sakuliyah dunya aya dina kaayaan tunggara. Aya anu dijajah, disiksa, diboikot, nepika dicuci otakna, supaya maranéhna ninggalkeun Islam. Maranéhna teu boga daya upaya sarta teu boga kakuatan pikeun ngalawan ogé pada ngaharé-harékeun teu aya anu nulungan. Kitu ogé di nagri ieu, sagala rupa karupekan hirup datang teu eureun-eureun.

Kunaon kajadian ieu daratang taya reureuhna? Kulantaran umat Islam loba méngpar tina aturan Alloh SWT atawa ngabalieur tina Al-Qur’an. Ingetkeun dawuhan Alloh SWT:
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى ﴿١٢٤﴾
“Singsaha jalma anu ngabalieur tina paringetan Kaula mangka saéstuna pikeun manéhna kahirupan anu rupek sarta Kaula bakal ngumpulkeun manéhna dina poé Kiyamah dina kaayaan lolong…”. (QS Thoha: 124)

Numutkeun Imam Ibnu Katsir ma’na “ngabaliur tina paringetan Kaula” nyaéta: nyulayaan paréntah Kaula jeung naon anu ku Kaula diturunkeun ka Rosul Kaula, mopohokeun kana eta paringetan sarta nyokot pituduh tina salian ti Al-Qur’an. (Tafsir al-Quran al-‘Azhim, V/323)

Sedengkeun maksud kahirupan anu sempit, taya sanés nyaéta kahirupan miskin, malarat, sangsara, tunggara, di jajah deungeun, dianiaya, ditindes jeung sabangsana, sakumaha anu ku urang bisa disaksian sarta dirasakeun ayeuna di nagri-nagri Islam.

Rosulullah SAW ngagambarkeun yén satiap méngpar tina syariah Islam bakal nyababkeun turunna azab ti Alloh SWT.
إِذَا ظَهَرَ الزِّنَا وَالرِّبَا فِي قَرْيَةٍ ، فَقَدْ أَحَلُّوا بِأَنْفُسِهِمْ عَذابِ اللهِ

“Lamun zina jeung riba geus sumebar di hiji nagri, hartina pangeusi éta nagri geus menta ka Alloh pikeun nurunkeun azab ka maranéhna” . (HR. Al-Hakim)

Ma’asyirol Muslimin rohimakummulloh…

Kumargi kitu, sabada Romadhon, ngajadi momentum pikeun ngabuktikeun diri, yén urang téh nyaéta umat anu payus tur pantes jeung boga hak pikeun disebut umat anu takwa kalawan sagemblengna di payuneun Alloh SWT. Maksadna, umat anu siap ngalakukeun perjoangan anu pohara sahingga ngawujud parobahan hakiki di ieu dunya.
Nyaéta, perjoangan pikeun ngarobah kaayaan dunya anu saméméhna jauh tina aturan Islam, robah nuju ka kaayaan tunduk ogé patuh kana aturan Alloh SWT. Hal ieu pisan parobahan dunya anu agung nuju kana diterapkeuna syariah Islam sacara kaffah, sakumaha dipikahoyong ku Alloh SWT anu ngadawuh:

يَا أَيُّهَا الَّذِينَ آمَنُواْ ادْخُلُواْ فِي السِّلْمِ كَآفَّةً وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ ﴿٢٠٨﴾

“Yeuh jalma-jalma anu ariman, geura arasup aranjeun kabéh kana Islam kalawan sagemblengna, jeung omat aranjeun ulah nuturkeun kana lengkah-lengkah syetan. Saéstuna syetan téh musuh anu nyata pikeun aranjeun”. (QS. Al-Boqoroh: 208)

Ma’asyirol Muslimin rohimakummulloh…

Syariah Islam sacara kaffah ngan ukur bisa diwujudkeun sacara nyata ku ayana institusi anu ngalaksanakeunana, nyaéta khilafah. Momentum réngséna shaum Romadhon, insya Alloh geus ngalahirkeun deui jutaan umat Islam anu ngabogaan kadar kaimanan jeung katakwaan ka Alloh SWT anu luhur, agung sarta kuat. Jeung ieu téh bisa ngajadikeun modal pikeun moncorongna fajar kameunangan Islam di alam dunya ieu.

Ieu pisan anu dijangjikeun ku Alloh:

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ ﴿٥٥﴾

“Alloh geus jangji ka jalma-jalma anu ariman jeung ngalakukeun amal sholéh diantara aranjeun, yén Anjeuna bener-bener bakal ngajadikeun maranéhna ngawasa di ieu bumi, sakumaha Mantena geus ngajadikeun jalma-jalma saméméh maranéhna ngawasa; Anjeuna bener-bener bakal mancegkeun pikeun maranéhna agama anu geus ku Anjeuna di ridhoan pikeun maranéhna; sarta Anjeuna bener-bener bakal nukeurkeun kaayaan maranehna —sabada maranéhna aya dina rasa sieun anu pohara— ngajadi aman santosa. Maranéhna tetep nyembah Kaula kalawan henteu nyekutukeun jeung hiji perkara oge. Singsaha jalma anu kafir saenggeus jangji éta, maranéhna téh jalma-jalma anu fasek”. (QS. An-Nuur: 55)

Saéstuna, fajar kemeunangan Islam parantos rayrayan caang. Tos waktosna urang babarengan nyambut jangji Alloh éta ku babarengan paheuyeuk-heuyeuk leungeun silih bantu merjuangkeunana. Mudah-mudahan Alloh nguatkeun katakwaan urang sadaya sarta ngumpulkeun urang sadaya dina kajayaan Islam anu nyata. Aamiin.

[]

بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِن الآيَةِ وَذِكْرِ الْحَكِيْمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم

Khutbah II

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا

أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ المسبحة بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلي وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ

اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآء مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.

عِبَادَاللهِ ! إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ

Sumber:

DMDI
DEWAN MASJID DIGITAL INDONESIA
https://seruanmasjid.com

Continue Reading
Click to comment

Leave a Reply

Your email address will not be published. Required fields are marked *

2 × one =